Marion Maréchal-Le Pen njëherë shpërndau lajmin se do të udhëheq partinë e Frontit Nacional, por sipas lajmeve të fundit nga mediat e huaja, ajo ka vendosur të heq dorë nga politika.

27-vjeçarja është konsideruar prej kohësh si një yll në rritje për Partinë Fronti Nacional, por besohet se ajo është zhgënjyer me pikëpamjet e hallës së saj, transmeton portali arbresh.info

Ajo ishte prirë për të marrë nën udhëheqje partinë, nëse halla e saj, Marine Le Pen, do të merrte postin e presidentes.

Megjithatë, gjërat nuk kanë ecur si duhet për familjen Le Pen.

Marine Le Pen u mposht nga rivali i saj Emmanuel Macron me më shumë se 60 për qind të votave në raundin e dytë të zgjedhjeve presidenciale.

Le Parisien shkruan se Marine Le Pen ka theksuar se mbesa e saj ka ‘bërë një zgjedhje personale’ duke u larguar nga skena politike, ndërsa ka shtuar se ajo e respekton vendimin e saj.

Gjërat mes hallës dhe mbesës  nuk kishin shkuar si duhet gjatë fushatës zgjedhore. Marine Le Pen ishte kritikuar nga mbesa e saj për fushatën parazgjedhore./Arbresh.info