Orban e quan George Sorosin ‘armik të euros’

21:16 | 26 Prill 2017
Trina Galanxhi

Kryeministri hungarez, Viktor Orban, e ka quajtur miliarderin amerikan George Soros ‘armik të euros’, ndërsa ka shtuar se ai ka ‘dëmtuar jetën e europianëve përmes spekulimeve financiare’.

“Ky debat është mes jush dhe nesh, mes nesh dhe një spekulanti financiar dhe një spekulanti amerikan. Ne nuk jemi aq të mëdhenjë dhe të fuqishëm sa George Soros, por nuk jemi as spekulantë amerikanë që përmes financave duan të sulmojnë Hungarinë. Soros ka shkatërruar jetën e mijërave europianëve në Hungari dhe ai është një armik i hapur i euros”, ka thënë Orban, duke iu drejtuar anëtarëve të seancës plenare të Parlamentit Europian, transmeton portali arbresh.info.

Deklarata ishte një përgjigje ndaj kritikave të Bashkimit Europian për një legjislacion të ri që synon mbylljen e Universitetit të Europës Qendrore të themeluar nga Soros./Arbresh.info