Shtatë xhiro para përfundimit të kampionatit në elitën e futbollit kosovar, Trepça ’89 vazhdon t’i prijë renditjes me 62 pikë të tubuara, shtatë më shumë se Feronikeli që është e dyta, përcjellë Arbresh.info.

Mbrojtësi i kësaj skuadre, Përparim Islami, beson se ekipi i tij deri në fund të këtij kampionati, do ta ruajë pozitën e parë. “Jemi të përgatitur shumë mirë që ta ruajmë pozitën e parë deri në fund të kampionatit”, ka thënë Përparim Islami për Arbresh.info.

“Është bërë një punë e madhe në ekip dhe mendoj se me plotë meritë jemi në vendin e parë. Në skuadër është duke mbretëruar atmosferë shumë e mirë e cila ka sjell edhe frytet e saj pasi që kemi treguar rezultate dhe në fushat e gjelbra”, vlerësoi Përparim Islami.

Ai në këtë edicion ka mahnitur me paraqitjet e tij duke u bërë mur për sulmuesit kundërshtar në repartin e mbrojtjes. /Arbresh.info