Shefja e zyrës së BE-së, Nataliya Apostolova ka kërkuar që Asociacioni i komunave me shumicë serbe, të krijohet sa më shpejt që të jetë e mundur.

Ajo në tryezën me temë “Katër vite pas marrëveshjes së prillit: Sa efektiv është dialogu politik në mes të Kosovës dhe Serbisë”, ka thënë se Kosova duhet të luajë një rol pro-aktiv dhe konstruktiv.

Apostolova: Asociacioni i komunave serbe të krijohet sa më shpejt

“Dialogu Prishtinë-Beograd është një mjet që i kombinon të gjitha tri proceset, prandaj është në interesin kombëtar të Kosovës për të marrë pjesë në këtë proces dhe për të luajtur një rol pro-aktiv dhe konstruktiv. Në këtë kontekst që duhet të shikohet marrëveshja mbi Asociacionin e komunave me shumicë serbe. Për këtë u ra dakord mes dy palëve në dialogun e monitoruar nga BE. Në kuadër të dialogut, BE pret që marrëdhëniet mes palëve të normalizohen më tej dhe Asociacioni i komunave me shumicë serbe të krijohet sa më shpejt që të jetë e mundur”, tha ajo.

Kjo deklaratë po konsiderohet nga Këshilli për Mbrojtjen e të Drejtave e të Lirive të Njeriut, si presion ndaj Gjykatës Kushtetuese.