Dhuna në Sudanin Jugor tani është një gjenocid që është duke u kryer përgjatë linjave fisnore, ka thënë Sekretarja e Zhvillimit Ndërkombëtar, Priti Patel.

Ajo ka thënë në një intervistë që po ndodhin “masakra, fytet e njerëzve po priten”, transmeton portali arbresh.info.

Patel, e cila ka vizituar Sudanin Jugor këtë javë ka thënë që atje është një “politikë e tokës së djegur”, me fshatrat që digjen, gratë që përdhunohen e ushqimi që përdoret si armë lufte.

Ajo e përshkroi situatën në Sudanin e Jugut si “absolutisht të neveritshme dhe çnjerëzore”.

Një raport i Kombeve të Bashkuara i publikuar muajin e kaluar, tha se Sudani i Jugut është duke përjetuar spastrimi etnik nga kryesisht forcat qeveritare. Raporti përshkroi vendin si në buzë të gjenocidit.

Sudani i Jugut është në luftë civile që nga dhjetori i vitit 2013./Arbresh.info