LSDM-ja në një deklaratë publike ka bërë thirrje që të gjithë partitë dhe institucionet duhet t’ju hapin rrugë proceseve demokratike në Maqedoni.
Nga kjo parti gjithashtu thonë se opinioni vendor dhe ndërkombëtar presin sjellje shtetërore nga ana e Kuvendit të Maqedonisë dhe nga ana e presidentit, të cilët duhet të mundësojnë formimin e qeverisë së re.

“Rreth 700 mijë qytetarë zgjodhën ndryshime në zgjedhjet e besueshme dhe në mënyrë demokratike formuan shumicë parlamentare prej 67 deputetëve dhe kjo shumicë e qytetarëve duhet të bartet në institucionet shtetërore. Është e palejueshme që Nikolla Gruevski dhe OBRM-PDUKM-ja të mohojnë shumciën që ka dalur nga vullneti i qytetarëve në zgjedhje, të gënjejnë në mediumet nën kontrollin e tyre dhe të shqetësojnë qytetarët me çështje etnike që nuk i përmban programi i ri qeveritar”, thuhet mes tjerash në kumtesën e LSDM-së.