Fernando Torres pretendon se është në gjendje të mirë shëndetësore pas goditjes së tmerrshme që pësoi në kokë gjatë ndeshjes të së enjtes në mbrëmje.

Tifozët dhe bashkëlojtarët e tij u tmerruan kur sulmuesi i Atletico Madridit u godit nga Alejandro Bergantino i Deportivo La Corunas gjatë barazimit 1 me 1 në La Liga, transmeton portali arbresh.info. Por, pasi u dërgua në spital, Torres postoi në profilin e tij në rrjetin social Twitter duke njoftuar për gjendjen e tij.

“Faleminderit të gjithëve për përkujdesjen ndaj meje dhe për mesazhet inkurajuese. Ishte thjesht një frikë. Shpresoj të rikthehem së shpejti”, shkroi Torres.

Doktorët kanë konfirmuar gjithashtu se gjendja e Fernando Torresit është e qëndrueshme dhe se futbollisti nuk ka pësuar ndonjë lëndim./arbresh.info

Muchas gracias a todos por preocuparos por mí y por vuestros mensajes de ánimo. Ha sido sólo un susto. Espero volver muy pronto!

— Fernando Torres (@Torres) March 2, 2017