Në fshatin e Prokuples, Gornje Kordince (Serbi) banorët po përjetojnë një tmerr të madh pasi që për tre muaj aty vdiqën pesë veta emri i të cilëve fillonte me shkronjën S!, njoftojnë medie serbe.

Së pari vdiq Stanojlo, pastaj Slobodani. Pas tyre Stojani, e para dhjetë ditësh edhe Sveta. Filluan edhe tregimet se në fshat po vdesin meshkujt emri i të cilëve fillon me shkronjën S dhe ata emra u quajtën të mallkuar. Pastaj të martën e kësaj jave vdiq edhe Stole… Dhe tash në këtë fshat ka filluar frika nga vdekja e të gjallëve që emrat u fillojnë me këtë shkronjë, përcjell portali serb “kurir”.

Ka raste që individë me këta emra kanë filluar të mendojnë për ndërrimin e emrit të vet.

Në këtë fshat jetojnë 120 banorë e mesatarisht i kanë nga 60 vjet.

“Nuk vjen vdekja për shkak të emrit por për shkak të tensionit. Fshati na është zbrazur dhe fëmijët nuk duan të mbesin këtu e neve që jemi këtu rëndom se na ndodh vdekja. Dikur emrat me shkronjën S ishin në modë ndaj dhe çdo i dyti quhej Slobodan, Stanojlo, Stole…”, thotë 84 vjeçi i katundit Çeda.

Media që ka shkruar për rastin, ka provuar të flasë me burrat që bartin emrat e filluar me shkronjën S, por ata nuk kanë dashur të flasin ndërsa njëri, me të cilin ekipi i portalit ishte takuar rastësisht, kishte emrin Slavisha.

“Do ta ndryshoj emrin. Edhe ashtu kurrë s’ më ka pëlqyer”, është shprehur ai.