Protesta vazhdon, por Rama i gëzohet Juventusit, Meta përqafon Monikën

Kryeministri Edi Rama dhe Kryetar i Kuvendit, Ilir Meta, gjate nje ceremonie festive ne restorant Xibraku, me rastin e 29 Nentorit, dites se clirimit te Shqiperise. /r/n/r/nPrime Minister, Edi Rama and Parliament Speaker Ilir Meta, during a festive ceremony in the restaurant Xibraku, on the occasion of 29 November, the day of liberation of Albania.

23:44 | 22 Shkurt 2017
Trina Galanxhi

Pasi kaluan një darkë të gjatë së bashku mbrëmjen e së martës në selinë e kryeministrisë , Edi Rama dhe Ilir Meta janë treguar më të qetë një ditë më pas para medieve.

Kreu i LSI-së doli dy herë para medieve ku foli me gjuhë diplomatike që përkthehet “ende nuk kemi lajm” nga koalicioni.

Mbrëmja e së mërkurës duket se ka qenë “sportive” për dy krerët e koalicionit qeverisës. Kjo u pasqyrua edhe në rrjetet sociale. Kreu i qeverisë postoi një koment për fitoren e Juventusit ndaj Portos në përballjen e Champions League, por me një lapsus të vogël. Gabimi ishte se rezultati ishte 0-2 dhe jo 2-0 pasi italianët luanin në transfertë, shkruan lapsi.

Ndërsa në shtëpinë Meta kishte miq. Ilir Kulla ka postuar një foto të kreut të LSI-së dhe të parlamentit në krah të bashkëshortes, Monikës. Në sfond duket TV ku po transmetohet ndeshja e futbollit.

Edi Rama ka qenë i njohur si tifoz i Interit, por tashmë e shet veten si përkrahës i Juventusit. Nuk dihet për kë skuadër bën tifozin Ilir Meta që ashtu si në politikë nuk mban një anë të qartë.