Rreth 350.000 fëmijë janë të bllokuar në Mosulin perëndimor, paralajmëroi organizata Save The Children, pasi forcat irakiane nisën një ofensivë të re për mbrojtjen e qytetit.

“Forcat irakiane dhe aleatët e tyre, duke përfshirë Shtetet e Bashkuara dhe Britania e Madhe, duhet të bëjnë gjithçka për të mbrojtur fëmijët dhe familjet e tyre”, tha Maurizio Crivallero, transmeton portali arbresh.info.

Ai paralajmëroi se arratisja nuk është në mundësinë e shumë familjeve, pasi ata rrezikohen nga snajperët e Shtetit Islamik dhe nga minat, ndërsa ka theksuar se shumica e familjeve që jetojnë në Mosulin perëndimor nuk kanë ujë dhe ushqim të mjaftueshëm.

Ai shtoi se rruga më e sigurtë për largimin e civilëve duhet të krijohet sa më shpejt.

Ofensiva e forcave irakiane për rimarrjen e Mosulit perëndimor ka filluar të dielen, pasi në vitin 2014 Shteti Islamik kishte deklaruar ‘kalifatin’./Arbresh.info