Vizita e Kryeministri i Serbisë, Aleksandar Vuçiç në Tiranë mori vëmendjen e botës, si vizita e parë e një kryeministri serb në Shqipëri, duke bërë kryetitujt e mediave shqiptare dhe rajonale.

Vizita e kryeministrit serb mbushi ballinat edhe të mediave serbe, ku deklaratat e tyre gjatë konferencës së përbashkët u interpretuan në mënyra të ndryshme, duke vënë theksin mbi çështje të ndryshme të paraqitjes së qëndrimeve shtetërore nga kryeministri shqiptar dhe ai serb.

B92-ishi serb ka theksuar deklaratat e Vuçiqit, ku ai ka thënë se ndryshimet mes Shqipërisë dhe Kosovës kanë të bëjnë me qëndrimin e vendeve në raport me Kosovën, si dhe deklaratat e Ramës ku tha se bisedimet Kosovë-Serbi i sheh si një derë që hap një kapitull të ri të marrëdhënieve të mira mes Kosovës dhe Serbisë.

Agjencia e lajmeve Tanjug, ka shkruar se Vuçiq ka potencuar gjatë konferencës së përbashkët të kryeministrave për media, se ai është krenar të jetë kryeministri i parë serb që zhvillon një vizitë zyrtare në Tiranë, dhe se ka vend për bashkëpunim mes dy vendeve, me gjithë qëndrimet e ndryshme për Kosovën.

Ndërkaq, e përditshmja Blic, theksin e vë mbi deklarat e kryeministrit shqiptar, Edi Ramës për ngjarjet e fundit në Maqedoni, ku Rama tha se Shqipëria me interes të madh po përcjell ngjarjet në Maqedoni, dhe se është shumë e interesuar me trajtimin që po i bëhet komunitetit shqiptar atje.

Telegrafi serb ka vënë në pah qëndrimet e përbashkëta të dy kryeministrave për një projekt të mundshëm të një linje ajrore direkte Prishtinë-Beograd, e cili sipas tyre do të bënte të rriten shkëmbimet tregtare, duke përforcuar bashkëpunimin nga fusha e ekonomisë mes dy vendeve, transmeton Indeksonline.

Kurir.rs vizitën e Vuçiqit e ka parë nga një kënd historik, ku ka shkruar se për herë të parë, prej 103 vitesh që Shqipëria ekziston si shtet, më në fund u dëgjua himni serb në territorin e Shqipërisë.

Vuçiq do të zhvillojë vizitë dy-ditore në Shqipëri, dhe pritet që gjatë dy ditëve të takoj krerë të lartë nga politika dhe shoqëria shqiptare.