Donald Trump ka vetëm një javë në karrigen e presidentit të SHBA-ve, por bota tashmë është njohur me caqet dhe qëllimet e tij, shkruan “Financial Times”.

Ndryshimet në politikën botërore të nxitura nga Donald Trump janë pasoja të ndikimit të Steve Bannon, strategut kryesor të presidentit amerikan.

“Ideja që Trumpi duhet të merret seriozisht, por jo bukfalisht, është e vdekur. Ai njëkohësisht është serioz dhe bukfal dhe ai po i mban premtimet e dhëna në fushatë. Kjo u pa që në tre ditët e para të marrjes së detyrës. Megjithatë, ata që dëshirojnë ndryshime radikale janë tejet të lumtur kur e shohin se presidenti po e bën pikërisht atë që e ka premtuar në fushatë. Askush nuk është i lumtur sa Steve Benon, strategu kryesor në Shtëpinë e Bardhë. Nacionalizmi ekonomik që ka arritur dhe kuzhinat e tij tashmë e kanë bërë qendrën e fuqisë në administratën e Trumpit”, thuhet në tekstin e “Financial Times”.

Steve Bannon ka zënë vend në komitetin e drejtorëve të Sigurisë Nacionale, trup ky që është fuqiplotë në marrjen e vendimeve.

Për ata që janë të brengosur për shkak të fuqisë që ndodhet në duart e presidentit të Amerikës, aksionet e tij janë drithëruese.