Zëvendëskryeministri i Turqisë, Numan Kurtulmua, ka kritikuar vendimin e Presidentit të SHBA-ve, Donald Trump, për ndalimin e hyrjes së personave nga shtatë shtete me shumicë myslimane.

“Ky vendim është i papranueshëm”, ka thënë Kurtulmus në një intervistë për të përditshmen Haberturk, transmeton arbresh.info.

Ai vuri në dukje se vendimi bart pjesë të madhe të islamofobisë, ksenofobise dhe ndjenjat anti-emigracion.

“Është e gabueshme që të kategorizohen qytetarët e disa vendeve si njerëz ‘të papranueshëm’”, shtoi ai.

Kurtulmus theksoi se mënyra e vetme për vendet demokratike dhe për bashkësinë ndërkombëtare për të luftuar terrorizmin është krijimi i një rrjeti që funksionin mirë.

Ai e ka paralajmëruar Perëndimin që të jetë i vetëdijshëm për faktin se islamofobia dhe organizatat terroriste si Shtete Islamik kanë një qëllim, që të bëjnë të mjerueshme jetën e 1.7 miliardë myslimanëve./Arbresh.info