Sekretari organizativ i Lëvizjes Vetëvendosje Dardan Molliqaj tha sot në një konferencë për media se aktakuza e ngritur nga Prokuroria për katër aktivistët e Vetëvendosjes është politike, e montuar dhe e porositur.

“Është rasti më i madh i cili është ndjek më se shumti nga Prokuroria dhe Policia. Ministrja e drejtësisë Dhurata Hoxha ka treguar se do të ngritë aktakuzë ndaj aktivistëve të VV. Prokuroria nuk duhet të ketë qasje në sistemet e drejtësisë sepse Ministria dhe Gjykata janë sisteme të ndryshme”, tha Molliqaj.

Molliqaj tha se asnjë fakt i ri nuk është në aktakuzë e asnjë dëshmi e re dhe se Prokuroria ka dështuar të sigurojë prova për akuzimin ndaj aktivistëve siç është  raporti i Forenzikës, ndërsa sa i përket ADN-së dhe ngjyrës së zërit asnjë nuk i ka futur në aktakuzë.

“Prokurua ka ngrit aktakuzë pa i përfunduar hetimet ndaj aktivistëve. Prokurori i rastit ka bërë shkelje ku në akuzë nuk i ka përfshi shenjen e gishtërinjve dhe nuk i ka marr as ADN dhe as ngjyrën e zërit”.

“Po ashtu prokurori nuk i është dorëzuar as të pandehurve e as mbrojtësve të tyre, asnjë dëshmitarë nuk është kredibil kur njëri prej tyre as nuk ka folur kurse 7 tjerë thonë se kanë parë dy njerëz dhe një taksi kurse tjerë dëshmitarë thotë se unë jam kam shit telefonin“, thotë Molliqaj.

Sipas tij nuk ka qenë qëllim i Prokurorisë për me vendos drejtësi por vetëm të thuhet që Vetëvendosja e ka bërë këtë rast.

Ai ka folur edhe për rastin e Deharit duke thënë se emri i tij është lakuar për trysni ndaj tij.

“Ka qenë e përfolur vizita ime në burg të cilën jam akuzuar për trysni ndaj Astritit. Ja çka thotë në ditarin e tij për vizitën time. “Javën tjetër më pret një vizitë e këndshme” ka thënë Deharit  në ditarin e tij”, tha Molliqaj.

Kujtojmë se dje Prokuroria ka ngritur aktakuzë kundër Frashër Krasniqit, Adea Batushës, Atdhe Arifit dhe Egzon Halitit për terrorizëm. Ata akuzohen për sulmin që u bë ndaj ndërtesës së Kuvendit të Kosovës më 4 gusht të këtij viti.

Në këtë rast Petrit Ademi është liruar nga akuzat për shkak të provave ndërsa hetimet kanë pushuar edhe për të ndjerin Astrit Deharin i cili ka vdekur më 5 nëntor në rrethana ende të paqarta në burgun e Prizrenit./Arbresh.info