Ministri i Jashtëm gjerman Frank-Walter Steinmeier ka deklaruar se është ‘i kënaqur’ me rezultatin e zgjedhjeve presidenciale në Austri dhe ka  shtuar se kjo ‘është një shenjë e mirë kundër popullizmit në Evropë’.

Në Austri, kandidati i majtë për president, Alexander Van der Bellen mposhti rivalin e krahut të djathtë Norbert Hofer, fitore kjo e cila u prit mirë nga politikanët e moderuar në të gjithë Evropën, transmeton arbresh.info.

“Unë jam shumë i lumtur për fitoren e Van der Bellen, sepse kjo është një shenjë e mirë kundër popullizmit në Evropë, por jam mëse i lumtur që këtë lajm e kemi marrë  këtu në Greqi, në djepin e demokracisë evropianë,” tha Steinmeier.

Steinmeier i bëri këto komente gjatë një konference për shtyp në Athinë pas një takimi me homologun e tij grek, Nikos Kotzias./Arbresh.info