Prokuroria e Përgjithshme e ka çertifikuar si të pastër kryetarin e Bashkisë së Krujes, Artur Bushi për të cilin disa muaj më parë u deklarua hapja e hetimeve sipas ligjit të dekriminalizimit.

Në materialin që i është dërguar  Komisionit Qendror të Zgjedhjeve, organi qëndror i akuzës pohon se  pas verifikimeve te kryera ka konstatuar se subjekti deklarues Artur Bushi nuk përfshihet në fushën e ndalimit të parashikuar në ligjin e dekriminalizimit.

Në formularët e vetëdeklarimit të Kryebashkiakut pranohej se ai ishte ndaluar dy herë në Itali, së pari në 1996 për shfrytëzim prostitucioni dhe së dyti në 2010 për trafik droge, raporton ora news, transmeton arbresh.info.

Por gjatë hetimeve, kryebashkiaku Bushi ka bashkangjitur një sërë vërtetimesh që tregojnë se dosjet ndaj tij janë mbyllur.

Në përfundim, Prokuroria shprehet se gjatë këtyre hetimeve ka kryer një verifikim të plotë e të gjithëanshëm ndaj tij./Arbresh.info