Agani ligjërisht vazhdon të jetë kryetari i PD’së

11:43 | 4 Nëntor 2016
M. A.

Ferit Agani ligjërish vazhdon të jetë ende në krye të Partisë të Drejtësisë (PD) për arsyen se akoma nuk ka një vendim nga Komisioni Qendror i Zgjedhjeve (KQZ) në lidhje me kërkesën e shkarkimit të tij.

Një grup i pakënaqur brenda PD’së para disa muajsh mbajtën një kuvend të jashtëzakonshëm në të cilin shkarkuan kryetarin Ferid Agani dhe zgjodhën kryetar Sylejman Çerkezin. Një nga iniciatorët e këtij kuvend, Fidan Mustafa tha për Gazetën Express se kërkesën e shkarkimit e kanë dërguar prej kohësh në KQZ por ende nuk kanë një përgjigje.

“Ne jemi në pritje që të hënën do të merret vendimi i drejte mbi këtë proces duke shpresuar që ky organ, KQZ, të ruaj pavarësinë e tij nga politika, si një ndër institucionet më me rëndësi për peocesin e demokracisë.” tha Mustafa.

Ai më tej paralajmëroi se nëse gjatë javës së ardhshme KQZ nuk jep përgjigje, të njëjtën dosje do të dërgojnë edhe në OSBE për një përgjigje brenda afateve.