Grupet militante si Hezbollah dhe ISIS kanë mësuar një formë të re të luftimit, duke i armatosur kështu dronët dhe duke i fluturuar ata nëpër territorin e armikut.

Edhe pse ky lloj i “armëve” nuk është shumë i përpiktë ka ngjallur frikë të madhe në popullatë dhe tek ushtria e ShBA-së, transmeton arbresh.info.

Një zëdhënës i ushtrisë amerikane ka thënë se dronët të cilët kane shërbyer për mbikëqyrje tashmë kanë marrë një rol tjetër duke rritu rrezikshmërinë e fushëbetejës.

Këto grupe i kanë bashkangjitur dronëve bomba të ndryshme të cilat i aktivizojnë ose nga largësia ose me përplasjen e dronit në objektivë.

Grupet e armatosura siç janë ISIS-i, Jund al-Aqsa, Jabhat Fatah al-Sham si dhe Hezbollah dhe Hamas kanë shpërndarë video të shpërthimeve të bëra nga dronët e armatosur.

Më parë dronë të ndryshëm mbikëqyrës janë përdorur për të zbuluar taktikat e luftës, pozicionimin në fushëbeteja, armatimin dhe gjendjen e armikut./arbresh.info.