Mbi 45 kilogramë substancë narkotike janë kapur dhe tre persona janë arrestuar si të dyshuar për veprën penale ‘blerje, posedim , shpërndarje dhe shitje e paautorizuar e narkotikëve, substancave psikotrope dhe analoge’, gjatë një aksioni policorë të zhvilluar të martën në rajonin e Mitrovicës.
Dy prej të arrestuarve janë shtetas të Shqipërisë dhe një kosovar. Ata u kapen në flagrancë, njofton Policia, shkruan Arbresh.info.

Ky është njoftimi i plotë i policisë:

Policia e Kosovës, konkretisht Drejtoria për Hetimin e Trafikimit me Narkotikë, në luftën e saj të pakompromis kunder trafikimit me substanca narkotike, me datën 6 shtator 2016, ka realizuar një operacion të suksesshëm policor, nën dyshimin e bazuar se disa persona po kryenin veprën penale ‘blerje, posedim , shpërndarje dhe shitje e paautorizuar e narkotikëve, substancave psikotrope dhe analoge’.

Operacioni policor është zhvilluar në rajonin e Mitrovicës, dhe personat e cekur më poshtë janë arrestuar në flagrancë nga Policia e Kosovës gjatë shitblerjes së substancës së dyshuar narkotike.

B. D. lindur me 1986 m/sh/k
H. Xh. lindur me 1966 m/sh/i Shqipërisë
N. M. lindur me 1965 m/sh/i Shqipërisë

Bastisja është realizuar në shtëpinë e të dyshuarit të parë, me ç’rast janë konfiskuar:

45.8 kg substancë narkotike
4 telefona mobilë
një veturë e tipit golf V

Është njoftuar edhe prokurori kompetent dhe me vendim të tij të dyshuarit e lartcekur dërgohen në qendrën e mbajtjes prej 48 orë./Arbresh.info