Zëdhënësi i Policisë së Kosovës, në rajonin e Prishtinës Agron Borovci, ka thënë se dy persona të maskuar dhe të armatosur me armë zjarri kanë kryer plaçkitën në filialen e  Bankës Kombëtare Tregtare-BKT.

Sipas Borovcit, të dyshuarit pasi kanë kryer aktin kanë ikur nga vendi i ngjarjes.

“Me date, 21.07.2016, ne ora 16:47, Policia ka marre informatën se në lagjen Dardania respektivisht në rr.”Ilaz Kodra” ne Prishtine ne filialen e  Bankës Kombëtare Tregtare-BKT-se, ka ndodhur një grabitje e armatosur. Sipas informatave të para dyshohet që  grabitjen e kanë kryer dy persona të maskuar dhe të armatosur me armë zjarri ( revole).

Të dyshuarit pasi kanë kryer aktin kanë ikur nga vendi i ngjarjes”, ka thënë Borovci.

Borovci po ashtu ka thënë se përveç grabitjes se parave nuk raportohet për të lënduar ose përdorim armesh.

“Policia po bashkëpunon me zyrtaret e bankës për të konfirmuar  shumën e parave të grabitura, ndërkohe që ka filluar një hetim lidhur me rastin si dhe po punon për identifikimin e personave të dyshuar të implikuar në rast” ka thënë Borovci. Zeri