Sulmi në Francë nuk kurseu as fëmijët, ja numri i fëmijëve të vrarë

09:36 | 15 Korrik 2016
M. A.

Masakra e të enjtes mbrëma në Nicë të Francës nuk kurseu as fëmijë. Nga 84 të vrarët e konfirmuar deri tani nga autoritetet franceze, 7 raportohen të jenë dhe fëmijë.

Një prej tyre kjo vajzë e vogël, fotoja e së cilës është kthyer në simbol të tragjedisë në rrugët e Nicës të mbushura me viktima dhe të plagosur.

Pranë trupit të pajetë qëndron kukulla e saj, me të cilën kishte dalë për të shijuar magjinë e fishekzjarreve, por fati u tregua mizor me të.

Ngjarja e rëndë ndodhi rreth orës 22:30 me orën lokale, kur një kamion hyri mes turmës së njerëzve që merrnin pjesë në festimet e organizuara nga Bashkia për Ditën e Bastijes.

Autori i sulmit, një 31 vjeçar me shtetësi të dyfishtë, franceze dhe tuniziane, u qëllua për vdekje nga policia./Arbresh.info