Studentët myslimanë në Zvicër duhet të t’i japin dorën mësuesit në fillim dhe në fund të mësimit, ka vendosur një autoritet rajonal.

Kjo temë është bërë e diskutueshme në Zvicër pasi dy vëllezër adoleshentë kanë refuzuar t’i japin dorën mësuesit, sepse sipas tyre shtrëngimi i duarve me gjininë e kundërt ndalohet nga Kurani.

Megjithatë, autoritetet në Zvicër kanë vendosur që nëse një gjë e tillë  vazhdon të praktikohet atëherë prindërit mund të gjobiten, transmeton koalb.com.

Sipas autoriteteve lokale mësuesit kanë të drejtë të përshëndesin nxënësit me shtrëngim duarsh, sepse një gjest i tillë konsiderohet si shenjë respekti në Zvicër.

Muajin e kaluar kjo temë është shkaktuar në debat kombëtar, pasi dy vëllezër sirianë, babai i të cilëve është imam, i janë shmangur traditës për shkak të besimit fetar.

“Djemëve nuk u lejon besimi të shtrëngojnë duart me një grua, nëse ajo nuk është gruaja e tyre,” ka thënë babai i djemve.

Ministri i Drejtësisë, Simonetta Sommaruga, gjatë një interviste për një televizion kombëtar ka theksuar se “shtrëngimi i duarve është pjesë e kulturës sonë”.

Në Zvicër jetojnë rreth 350 mijë myslimanë. /Koalb.com