Gareth Bale pret ndeshje të vështirë në ‘Etihad Stadium’ në përballjen gjysmëfinale të Ligës së Kampionëve mes Manchester Cityt dhe Real Madridit.

Uellsiani shpreson që skuadra e tij të merr një rezultat të mirë nga ky udhëtim, duke kërkuar fitoren.

“Është gjithmonë mirë të kthehesh në Angli. E dimë se do të jetë një ndeshje e vështirë, ndeshjet gjysmëfinale gjithmonë janë të vështira. Ne shpresojmë të kemi një lojë të mirë dhe të marrim një rezultat të mirë”, deklaroi Bale.

“Stadiumi i Cityt ka një terren të mirë, është një vend për lojë të mirë Ne shpresojmë të kemi një ndeshje të madhe atje dhe të kthehemi me fitore. Unë kam pasur disa ndeshje të mira këtë stadium. Ata janë në formë të mirë dhe në të njëjtën formë jemi edhe ne. Jam i sigurt se do të jetë një ndeshje emocionuese”.