Ylli i Orlando City-t ka thënë se ish-klubi i tij AC Milan gjithmonë do ta ketë një vend në zemrën e tij.

Fituesi i Topit të Artë është bërë njëri nga lojtarët më të dashur në klub përgjatë 10 vjetëve të kaluar tek Milani në dy raste të ndara, duke i fituar pesë trofe me ekipin përfshirë edhe Ligën e Kampionëve në vitin 2007.

Pavarësisht largimin në SHBA, ku u bashkua në ligën MLS sezonin e kaluar, mesfushori ka ende shumë dashuri për klubin dhe dëshiron t’i sheh sa më në formë.

“AC Milan gjithmonë do të mbetet në zemrën time,” braziliani tha për Sky Sport Italia.

“ Të gjithë ne fansat e Milanit do të donim ta shihnim klubin të rikthyer në Ligën e Kampionëve dhe në mesin e ekipeve më të forta në Serie A.”

Legjenda e Milanit ka thënë se mbështetësit e klubit i detyrohen shumë presidentit Silvio Berlusconi, për suksesin e tyre gjatë viteve.

“Të gjitha të mirat për presidentin sepse Milani është bërë i famshëm në mbarë botën është për meritë të tij,” ka përfunduar Kaka.