Një grua është gjetur pa shenja jete të hënën mbrëma në Prishtinë, ndërsa autoritetet kanë nisur hetimet për të sqaruar rrethanat e vdekjes.

Sipas raportit 24-orësh të Policisë së Kosovës, rasti është raportuar rreth orës 23:15. Menjëherë në vendin e ngjarjes kanë dalë njësitë policore dhe ekipi mjekësor, i cili ka konstatuar vdekjen e viktimës, një grua kosovare.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkakut të vdekjes.

Policia ka bërë të ditur se rasti është cilësuar si “Hetim i vdekjes” dhe hetimet janë duke vazhduar.

 “Prishtinë / 20.07.2026-23:15. Lidhur me rastin njësitë policore dhe ekipi mjekësor kanë dalë vendin e ngjarjes ku edhe është konstatuar vdekja e viktimës femër kosovare. Me vendim të prokurorit, trupi i pajetë i viktimës është dërguar në IML për obduksion. Rasti duke u hetuar” thuhet në raport./Arbresh.info