Këngëtarja e njohur shqiptare, Edona Llalloshi, ka siguruar edhe një mandat tjetër si deputete në Kuvendin e Kosovës, sipas rezultateve të deritanishme të zgjedhjeve parlamentare të 7 qershorit.

Llalloshi garoi në listën e Lëvizjes Vetëvendosje me numrin 29 dhe, sipas numërimit të mbi 97 për qind të votave, ka marrë më shumë se 31,300 vota.

Ky rezultat e rendit atë aktualisht si kandidaten e 20-të më të votuar në listën e Lëvizjes Vetëvendosje, duke i siguruar një vend në legjislaturën e re të Kuvendit.

Artistja iu bashkua Lëvizjes Vetëvendosje në shkurt të vitit të kaluar dhe që nga hyrja në politikë ka pasur mbështetje të vazhdueshme nga elektorati. Në tri palë zgjedhje të mbajtura brenda rreth një viti e gjysmë, ajo ka arritur të sigurojë votat e nevojshme për t’u zgjedhur përfaqësuese e qytetarëve.

Megjithëse këtë herë ka marrë rreth 14 mijë vota më pak se në zgjedhjet e kaluara, kur kishte fituar 44,395 vota, Llalloshi mbetet ndër figurat më të votuara brenda subjektit të saj politik.

E njohur prej vitesh në skenën muzikore shqiptare, Edona Llalloshi po vijon paralelisht angazhimin e saj artistik dhe politik, duke siguruar kështu mandatin e saj të tretë si deputete në Kuvendin e Kosovës.