Kryeministri i Shqipërisë, Edi Rama, i është përgjigjur publikisht senatorit amerikan Bernie Sanders pas kritikave të këtij të fundit lidhur me një projekt të mundshëm zhvillimor në bregdetin shqiptar.

Në reagimin e tij, Rama theksoi se Shqipëria është një shtet sovran dhe jo “një rresht në një debat politik amerikan”, duke kundërshtuar pretendimet që, sipas tij, bazohen më shumë në tituj mediatikë sesa në fakte.

Kryeministri sqaroi se aktualisht nuk ka as projekt të miratuar, as leje ndërtimi dhe as një projekt final, por vetëm një proces planifikimi ku janë të përfshirë ekspertë ndërkombëtarë të arkitekturës, mjedisit dhe zhvillimit të qëndrueshëm.

Rama tha se debati publik dhe shqyrtimi mjedisor janë të mirëpritura, por shtoi se shpallja e një projekti si katastrofë mjedisore para se ai të ekzistojë nuk i shërben diskutimit të bazuar në fakte.

“Faktet të parat, gjithmonë”, shkroi ai, duke nënvizuar se e ardhmja e bregdetit shqiptar do të vendoset nga ligjet, institucionet dhe qytetarët e Shqipërisë.

Në fund të mesazhit, Rama e ftoi Sandersin të vizitojë Shqipërinë për të parë nga afër realitetin në vend, duke theksuar se Shqipëria synon anëtarësimin në Bashkimin Evropian dhe se çdo projekt me ndikim në mjedis duhet të përmbushë standarde të rrepta ligjore dhe mjedisore./Arbresh.info

Lexo edhe:

Bernie Sanders mbështet protestat në Shqipëri

@SenSanders

With all due respect, Senator, Albania is a country, not a line in an American political argument.

I genuinely appreciate your interest, but the facts on the ground are rather different from the headlines. And when headlines become the source of understanding,… https://t.co/5QejiPratO

— Edi Rama (@ediramaal) June 9, 2026