Një aksident i rëndë rrugor është regjistruar mbrëmjen e sotme në autostradën Durrës-Tiranë, ku dy automjete u përplasën me njëri-tjetrin.

Si pasojë e goditjes së fortë, të dy mjetet kanë dalë jashtë rrugës dhe kanë përfunduar në kanalin anësor.

Si rrjedhojë e aksidentit, të dy drejtuesit e automjeteve kanë pësuar lëndime dhe janë transportuar menjëherë me ambulancë në Spitalin Rajonal të Durrësit, ku po marrin ndihmën e specializuar mjekësore.

Shërbimet e Policisë së Shtetit kanë mbërritur menjëherë në vendngjarje dhe po kryejnë hetimet e para për të zbardhur shkaqet e sakta të aksidentit, përfshirë rrethanat dhe përgjegjësinë.

Njoftimi i policisë: Një aksident i rëndë është regjistruar pak më parë në autostradën Durrës–Tiranë, ku dy automjete janë përplasur me njëri-tjetrin dhe, si pasojë e goditjes, kanë përfunduar në kanalin anësor të rrugës.

Si pasojë e aksidentit kanë mbetur të lënduar dy drejtuesit e mjeteve, të cilët janë transportuar me urgjencë në Spitalin Rajonal të Durrësit, ku po marrin ndihmën e nevojshme mjekësore.

Në vendngjarje kanë mbërritur shërbimet e Policisë, të cilat po punojnë për zbardhjen e plotë të rrethanave dhe shkaqeve të aksidentit.

/rtsh.al/