Presidenti i Kroacisë, Zoran Milanović, ka kritikuar deklaratat e vazhdueshme të presidentit të Serbisë, Aleksandar Vučić, lidhur me frikësimet për një aleancë ushtarake mes Kroacisë, Kosovës dhe Shqipërisë.

Milanović tha se është “komike nëse nuk do të ishte shqetësuese” që Vučić, sipas tij, po i frikëson qytetarët serbë me pretendime për një sulm të mundshëm nga Kroacia dhe shqiptarët.

Ai u referua edhe deklaratave pas nënshkrimit të një marrëveshjeje bashkëpunimi në fushën e mbrojtjes mes Kroacisë, Kosovës dhe Shqipërisë nga ministrat përkatës të mbrojtjes, duke theksuar se ato nuk përbëjnë kërcënim për Serbinë.

Milanović shtoi se si kreu i shtetit ndjen nevojë t’i sqarojë këto çështje për opinionin publik, në mënyrë që, siç u shpreh, të mos krijohen keqkuptime dhe frikë të panevojshme.

“Presidenti i vendit tonë fqinj nuk po heq dorë nga frikësimi i qytetarëve të tij me perspektivën e një sulmi nga Kroacia dhe shqiptarët ndaj Serbisë. Kjo do të ishte komike, nëse nuk do të ishte e pavlerë dhe shqetësuese në fakt”, tha Millanoviq në një akademi ceremoniale me rastin e Ditës së Forcave të Armatosura Kroate. Dhe e di që është inferiore ta shpjegosh dhe ta justifikosh vazhdimisht, por unë e bëj këtë për hir të popullit tonë. Dhe pjesërisht për hir të serbëve, në mënyrë që ata të kuptojnë se çfarë lloj çështje e kotë është”, tha presidenti kroat./N1