I pari i LDK-së dhe kandidati për Kryeministër Lumir Abdixhiku është zotuar se me të në krye të Qeverisë, nuk do të ketë rritje të çmimit të rrymës.

Pos këtij zotimi, Abdixhiku u zotua edhe për 2 gjëra të tjera në fushën e energjisë.

“Nuk do të ketë rritje të çmimit të rrymës, kompensim i dëmeve për paratë e vjedhura të qytetarëve nga matjet e gabuara me njehsorët dhe ndërtim të kapaciteteve energjetike, gaz amerikan”, tha Abdixhiku në Pressing të T7.

Ai premtoi se nuk do të ndalen shtesat, madje ato do të rriten si dhe do të rregullohen me ligj, që mos të jenë vendime zgjedhore.

“Ka nisur një propagandë gjithandej Kosovës. Si duket Vetëvendosje po ju thotë qytetarëve se këta kur të vijnë do t’i ndalin shtesat. Ne zotohemi publikisht, asnjë shtesë që merret tani, nuk do të ndalet. Përkundrazi do të rritet. Jo vetëm që nuk do të ndalen e do të rriten, por do të rregullohen me ligj, në mënyrë që qytetari mos me na kqyrë ne në sy e duar nga sa po i japim por me pasë të garantuar”, tha Abdixhiku.