Sulmuesi i Alexander Isak nuk ishte në dispozicion për ndeshjen e Liverpoolit ndaj Manchester United, për shkak të një lëndimi të lehtë. Lajmin e ka konfirmuar trajneri i “The Reds”, Arne Slot, para përballjes së zhvilluar në “Old Trafford”.

Slot bëri të ditur se problemi fizik i Isakut është i vogël, por i mjaftueshëm që ta lërë jashtë kësaj ndeshjeje të rëndësishme në kuadër të Premier League.

“Pas fitores ndaj Palace, e nis javën duke e ditur që nuk do ta kemi në dispozicion Mo dhe më pas gjatë javës humbëm edhe Alexin. Por kjo nuk është hera e parë këtë sezon. Edhe ndaj Arsenalit në udhëtim, nuk i kishim në dispozicion të dy sulmuesit tanë kryesorë dhe prapë arritëm të luajmë mirë”, u shpreh Slot për Sky Sports.

Ai shtoi se situata duhet pranuar si e tillë, ndonëse mungesat janë të padëshiruara.

“Natyrisht, është për të ardhur keq që Alex pësoi një lëndim të vogël – vërtet shumë të vogël – por kjo ndeshje erdhi paksa herët për të”, deklaroi trajneri holandez.

Mungesa e Isakut dhe Mohamed Salah paraqet një goditje për Liverpoolin në derbin më të madh të Anglisë.

United aktualisht është i treti me 61 pikë, kurse Liverpooli është një pozitë më poshtë me tri më pak.

Ky duel nis nga ora 16:30./Arbresh.info