Ministria e Mjedisit dhe Planifikimit Hapësinor e Kosovës dhe Ministria e Mjedisit e Shqipërisë kanë nënshkruar një Memorandum Mirëkuptimi për forcimin e bashkëpunimit në menaxhimin e qëndrueshëm të segmentit ndërkufitar të Lumit Drin.

Marrëveshja u nënshkrua nga ministrja Floriane Pacolli Dalipi dhe ministri Sofjan Jaupaj, me synim mbrojtjen dhe përmirësimin e cilësisë së ujërave, parandalimin e ndotjes ndërkufitare dhe ruajtjen e ekosistemeve dhe biodiversitetit.

Po ashtu, parashihet promovimi i përdorimit të qëndrueshëm të burimeve ujore, si dhe organizimi i aktiviteteve të përbashkëta për monitorim dhe pastrim të lumit.

Në kuadër të marrëveshjes do të krijohet një Grup i Përbashkët Pune Shqipëri–Kosovë për Lumin Drin, ndërsa bashkëpunimi do të përfshijë shkëmbimin e të dhënave, ekspertizës teknike dhe ndërtimin e kapaciteteve institucionale, njofton syra për informim e MMPHI-së.

Tutje thuhet se ky bashkëpunim do të kontribuojë edhe në avancimin e procesit të integrimit evropian të të dy vendeve, veçanërisht në fushën e mjedisit dhe ndryshimeve klimatike.