Kombëtarja e Kosovës në futsall gati për sfidat e paraeliminatoreve të Botërorit

22:16 | 6 Prill 2026
D.H

Dardanët e futsallit kanë zhvilluar sot dy seanca intensive stërvitore në palestrën “1 Tetori”, në kryeqytet, në prag të udhëtimit për në Mal të Zi, ku do të zhvillohen ndeshjet e fazës paraeliminatore për Kupën e Botës.

Nën drejtimin e përzgjedhësit Agon Ramadani, ekipi ka punuar paradite dhe pasdite për të arritur formën optimale, ndërsa do të ketë edhe dy ditë në Malin e Zi për përgatitje para ndeshjes së parë.

Programi i ndeshjeve:

9 prill: Kosova – Gjibraltari

10 prill: Kosova – Austria

12 prill: Kosova – Mali i Zi

Dy vendet e para në grup sigurojnë kualifikimin në fazën tjetër.

Përzgjedhësi Agon Ramadani, kapiteni Ramadan Alaj dhe portieri Bajram Ramadani janë shprehur optimistë për arritjen e objektivit dhe kalimin e grupit./Arbresh.info