Hiqen tabelat e ekspozitës për masakrat, Rama: Kërkojmë përgjegjësi politike dhe institucionale

11:01 | 28 Mars 2026
Q L

Kryetari i Prishtinës, Pëparim Rama, ka reaguar pas largimit të tabelave të ekspozitës që përmbanin pasaktësi lidhur me masakrat, duke kërkuar përgjegjësi politike dhe institucionale nga Kuvendi i Kosovës.

Përmes një reagimi publik, Rama ka theksuar se miratimi dhe financimi i një përmbajtjeje të tillë është i papranueshëm, pasi sipas tij, cenon dinjitetin e qytetarëve dhe fyen kujtesën kolektive të popullit të Kosovës.

Ai ka bërë të ditur se një përmbajtje e tillë nuk ka vend në kryeqytet, duke insistuar që institucionet përgjegjëse të japin llogari për mënyrën se si është lejuar dhe mbështetur një ekspozitë e tillë.

Deklarata e Ramës vjen pasi tabelat e ekspozitës janë larguar, pas reagimeve të shumta në opinion publik për përmbajtjen e tyre.