Futbollisti brazilian, Rodrygo ka marrë një lëndim të rëndë mbrëmjen e kaluar ndaj Getafes ku madrilenët u mposhtën me rezultat 0-1.

Dëmtimin e ka konfirmuar edhe Real Madridi, ku në njoftim u bë e ditur se lojtari ka këputur ligamentin e kryqëzuar, shkruan Arbresh.info.

Pas lëndimit ka reaguar edhe vetë futbollisti përmes një postimi në rrjetin social Instagram.

Ai e ka cilësuar si goditjen më të madhe në karrierë.

“Është një nga ditët më të këqija të jetës sime… sa shumë e kam pasur gjithmonë frikë këtë lëndim, ndoshta jeta ka qenë paksa mizore me mua kohët e fundit.”

Ai shtoi se ndonëse situata është e vështirë, ndjehet mirënjohës për gjithçka ka përjetuar deri më tani.

“Nuk e di nëse e meritoj këtë tani, por për çfarë mund të ankohem? Sa shumë gjëra të mrekullueshme kam përjetuar tashmë… gjëra që ndoshta as ato nuk i kam merituar.”

“Një pengesë e madhe është shfaqur në jetën time, në karrierën time… do të më pengojë të bëj atë që dua më shumë për një periudhë të caktuar kohe. Kjo është ajo që ndodhi sot.”

Ai konfirmoi se do të mungojë deri në fund të sezonit me klubin e tij dhe nuk do të jetë pjesë e Kupës së Botës me kombëtaren – një ëndërr që, sipas tij, të gjithë e dinë sa shumë do të thotë për të.

“Jam jashtë për pjesën tjetër të sezonit me klubin tim, jashtë Kupës së Botës me vendin tim. Më mbetet vetëm të jem i fortë si gjithmonë – kjo nuk është diçka e re për mua.”

“Faleminderit të gjithëve për lutjet, mesazhet dhe dashurinë! Ju jeni shumë të rëndësishëm për mua… Ky është një moment shumë i vështirë, premtoj se nuk do të ndalem këtu, me siguri.”

“Besoj se kam ende shumë gjëra të pabesueshme për të përjetuar dhe për të sjellë gëzim për të gjithë ata që besojnë tek unë. Është vetëm një pauzë e shkurtër… Zoti vazhdon të jetë në kontroll të gjithçkaje”, u shpreh ai./Arbresh.info

 

View this post on Instagram

 

A post shared by Rodrygo Goes 👐🏾⚡️🇧🇷 (@rodrygogoes)