Në ditën e fundit të merkatos për basketbollistët e huaj, KB Rahoveci 029 ka bërë një ‘goditje’ të fort duke synuar mbetjen në elitën e basketbollit kosovar.

‘Vreshtarët’ kanë transferuar në radhët e veta basketbollistin Richard Granberry, shkruan Arbresh.info.

Lajmi është konfirmuar edhe nga vetë klubi, përmes një postimi në rrjetin social Facebook.

“Me kënaqësi ju njoftojmë se Richard Granberry i bashkohet skuadrës sonë për pjesën e mbetur të sezonit.”

“Rich vjen me eksperiencë të madhe ndërkombëtare dhe së fundmi ishte pjesë e Ciclista Olímpico”, shkruhet në njoftim.

Ai luan në pozitën e alo-qendrës dhe është i gjatë 203 cm.

Rahoveci pas 21 xhirove të luajtura ka arritur shtatë fitore e 14 humbje dhe ndodhet në pozitën e fundit, me një fitore larg pozitës së play-out./Arbresh.info