Vjosa Osmani, me ftesë të ish-presidentit të Donald Trump, ka udhëtuar në Washington D.C. për të marrë pjesë në Takimin Inaugurues të Bordit të Paqes, krahas disa liderëve botërorë.

Sot pritet të mbahet takimi inaugurues i Bordit të Paqes, me pjesëmarrjen e përfaqësuesve nga disa vende. Kosova dhe Shqipëria tashmë kanë konfirmuar prezencën e tyre.

Osmani e ka vlerësuar përfshirjen e Kosovës si vend anëtar dhe bashkëthemelues i Bordit të Paqes si një nga zhvillimet më të rëndësishme të politikës së jashtme të vendit në vitet e fundit, duke theksuar se ky hap fuqizon drejtpërdrejt subjektivitetin ndërkombëtar të Kosovës.

“Republika e Kosovës mbetet e përkushtuar të punojë ngushtë me aleatin tonë kryesor, SHBA-të, dhe me Bordin e Paqes për të sjellë rezultate konkrete, për të mbështetur paqen dhe stabilitetin në rajonet e prekura nga konfliktet dhe për të promovuar një të ardhme të bazuar në bashkëpunim, siguri dhe prosperitet të përbashkët”, ka theksuar Osmani.