Të paktën nëntë persona kanë humbur jetën nhë Shtetet e Bashkuara si pasojë e stuhisë që ka përfshirë pjesën më të madhe të vendit.

Tre viktima u shënuan në Tenesi, dy në Luiziana, dy në Teksas, një nga Kansas dhe nje ne Masacusets sipas zyrtarëve lokalë.

Moti i keq ka prekur rreth 185 milionë njerëz, ndërsa i ftohti ekstrem ka përfshirë pjesën më të madhe të SHBA-së qendrore dhe lindore me temperatura që shkojnë më poshtë se -18 gradë Celsius.

Në zonat e prekura nga stuhia, më shumë se 860,000 klientë mbetën pa energji elektrike, ndërsa më shumë se 12 mijë fluturime që ishin planifikuar për nkëtë të hënë janë anuluar, bashkë me 3 mijë të tjera për të martën.

Ekspertët e motit kanë paralajmëruar se një nga rreziqet më të mëdha të stuhisë është akulli, i cili ka potencialin të dëmtojë pemët, të rrëzojë linjat e energjisë dhe t’i bëjë rrugët të pasigurta.

Në Virxhinia dhe Kentuki, autoritetet janë përballur me qindra incidente në rrugë. Ndërkohë në Nju Jork, kryebashkiaku dhye guvernatorja e shtetit u bënë thirrje qytetarëve të qëndrojnë në shtëpi, teksa vendi përballet me stuhinë më të ftohtë që është parë ndër vite.

Pothuajse gjysma e shteteve kanë shpallur gjendje të jashtëzakonshme dhe shkollat ​​kanë anuluar mësimin, ndërsa senati amerikan gjithashtu anuloi një votim të planifikuar për të hënën vonë në mbrëmje. Senati i SHBA-së gjithashtu ka anuluar një votim të planifikuar për të hënën në mbrëmje.

Ndërsa vendet në veri si Dakotat dhe Minesota janë mësuar me temperatura nën zero në dimër, është e pazakontë ketë një të ftohtë kaq ekstrem në shtete si Teksasi, Luiziana dhe Tenesi, ku temperaturat janë rreth 15-20 gradë Celsius nën mesataren sezonale.

Vorbulla polare, një unazë erërash të forta perëndimore që formohen mbi Arktik çdo dimër që përmban një ajër shumë të ftohtë, duke sjellë stuhinë e fuqishme.

Disa ekspertë pretendojnë se ndryshimi i klimës mund të ndikojë në sjelljen e vorbullës polare për shkak të ndryshimeve në temperaturat e sipërfaqeve të detit, teksa bota po ngrohet. / abcnews.al /