Barcelona triumfoi në udhëtim duke e mposhtur Slavia Prague me rezultatin 4-2 në sfidën e shtatë të fazës së ligës në Ligën e Kampionëve.

Skuadra çeke kaloi e para në epërsi në minutën e 10-të me Vasil Kušej, por reagimi i Barcelonës ishte i shpejtë.

Fermín López barazoi në minutën e 34-të dhe më pas përmbysi rezultatin në minutën e 42-të me një goditje të bukur nga distanca (1-2).

Megjithatë, gëzimi i katalanasve zgjati pak, pasi në minutën e 44-të një autogol i pafat i Robert Leëandoëskit vendosi shifrat në 2-2 në fund të pjesës së parë.

Në pjesën e dytë, Barcelona u përball edhe me vendime kontroverse, pasi një gol i Frenkie de Jong u anulua nga VAR-i për pozicion jashtë loje.

Megjithatë, ekipi i Hansi Flick nuk u ndal. Në minutën e 63-të, Dani Olmo, i futur nga stoli pas dëmtimit të Pedrit, realizoi një supergol nga distanca për 2-3.

Goditjen përfundimtare e dha Robert Leëandoëski në minutën e 71-të, pas një aksioni të shkëlqyer kolektiv, duke shënuar për 2-4 dhe duke vulosur fitoren e Barcelonës.

Me këtë fitore Barcelona është e nënta me 13 pikë, kurse Slavia e 34-ta me tri sosh./Arbresh.info