Danimarka po përgatitet të rrisë praninë e saj ushtarake në Grenlandë, mes një krize me Shtetet e Bashkuara dhe kërcënimeve të Donald Trump për të aneksuar ishullin.

Rrjeti danez TV2 raportoi se një “forcë e konsiderueshme” ushtarësh danezë pritet të mbërrijë të hënën në mbrëmje në Kangerlussuaq, ku ndodhet aeroporti kryesor ndërkombëtar i Grenlandës.

Komandanti më i lartë ushtarak i Danimarkës në Arktik, Gjeneral Major Andersen, tha se rreth 100 ushtarë danezë kanë mbërritur tashmë në Nuuk, kryeqytetin e Grenlandës, dhe një numër i ngjashëm në Kangerlussuaq, në Grenlandën perëndimore.

Politico raporton se misioni do të jetë afatgjatë. Ushtarët do të marrin pjesë në stërvitjen Arctic Endurance. Andersen tha javën e kaluar se misioni është një përgjigje ndaj kërcënimeve ruse, jo ndaj Trump.

Ndërkohë, siç vëren Politico, Kopenhageni kërkoi një mision të NATO-s në Grenlandë të hënën, një kërkesë që u “vu në dukje” nga Sekretari i Përgjithshëm i NATO-s.

Në deklarata, ministri danez i Mbrojtjes Trolls Lund Poulsen dënoi kërcënimet e Trump kundër Grenlandës si “jashtëzakonisht të dëmshme”, por paralajmëroi se Aleanca “ende nuk mund të përballojë ndërprerjen e marrëdhënieve të saj me Uashingtonin”.