Ushtruesi i detyrës së ministrit të Drejtësisë, Blerim Sallahu, ka shprehur mirënjohje të veçantë për profesionistët e shërbimeve sociale të Qendrave për Punë Sociale, duke vlerësuar angazhimin e tyre të palodhshëm gjatë gjithë vitit 2025 në shërbim të fëmijëve dhe familjeve në nevojë.

Sipas Sallahut, profesionistët e Qendrave për Punë Sociale kanë punuar pa ndalim për të ofruar shërbime familjare, duke kontribuar në garantimin e mirëqenies dhe drejtësisë sociale për të gjithë qytetarët.

Ai theksoi se puna e tyre përfaqëson një mision fisnik dhe me rëndësi të veçantë për shoqërinë.

“Profesionistët e shërbimeve sociale luajnë rolin e tyre si: këshillues, shpesh rolin e kujdestarëve ligjor, dëgjues, lehtësues e avokuesit në mes të nevojave të individit dhe sigurimit të shërbimeve sociale e familjare duke mundësuar ndërlidhjen e nevojave të fëmijëve dhe familjeve me mekanizmat mbrojtës. Përkrahën secilin person në nevojë pa dallim, duke inkurajuar shumë individ, duke punuar e nxitur komunitete dhe grupe për tu fuqizuar e pavarësuar. Andaj, meritojnë mirënjohje dhe falënderim të thellë për angazhimin dhe vetë mohimin në përmbushjen e këtij misioni shumë të lartë’, shkroi ai./Arbresh.info