Mesfushori shqiptar, Granit Xhaka ka folur hapur për ndikimin e madh që Xabi Alonso ka pasur si trajner, në dokumentarin e ri të DAZN, “The Architect: From Myth to Challenge”, i cili u publikua këtë javë.

Dokumentari 70-minutësh pasqyron kalimin e Alonsos nga një mesfushor elitar në një trajner ambicioz, ndërsa Xhaka vë theksin jo te taktikat, por te lidershipi dhe personaliteti i spanjollit.

Sipas mesfushorit zviceran, Alonso nuk kishte përvojë në nivelet më të larta të stolit, por që në ditët e para arriti të imponojë respekt të plotë në dhomat e zhveshjes.

“Ai nuk kishte përvojë në skenën e madhe, por kishte personalitet. Kur trajneri Xabi Alonso hynte në dhomat e zhveshjes dhe fillonte të fliste, të gjithë menjëherë heshtnin dhe ishin 100% të përqendruar në atë që po thoshte.”

Xhaka thekson se Alonso fitoi besimin e lojtarëve jo përmes emrit apo karrierës së tij si futbollist, por falë sinqeritetit dhe qasjes së drejtpërdrejtë.

“Çdo fjalë që thoshte ishte e vërtetë. Nuk ishte artificial. Ishte autentik. Lojtarët e ndjejnë këtë, pavarësisht rezultateve.”

Një tjetër aspekt që Xhaka veçon është mënyra meritore e menaxhimit të skuadrës nga Alonso. Trajneri spanjoll nuk favorizon emra të mëdhenj, reputacion apo shuma transferimi, por vlerëson vetëm atë që sheh në stërvitje dhe në fushë.

“Atij i intereson vetëm ajo që sheh në fushë. Nëse stërvitesh mirë, ai të jep shansin”, përfundoi Xhaka.

Xhaka së bashku Alonson u larguan këtë verë nga Bayer Leverkuseni, ku mefushori shqiptar iu bashkua Sunderlandin, derisa trajneri bask u emërua në krye të Real Madridit./Arbresh.info