Kurti premton projekte madhore për Drenasin: Poliklinikë, Digë, Park Industrial dhe çerdhe

17:06 | 22 Dhjetor 2025
E.H

Kandidati për kryeministër nga radhët e VV-së, Albin Kurti ka mbajtur një tubim në Drenas, në kuadër të fushatës zgjedhore.

Ai u zotua se në mandatin e ardhshëm në Drenas do të finalizohet Poliklinika Specialistike, Diga e Kuqicës, Parku Industrial 2 dhe dy çerdhe të reja, shkruan Arbresh.info.

Kurti në llogarinë e tij në rrjetin social Facebook ka publikuar një video nga tubimi, ku theksoi se takoi shkurtimisht edhe Zekë Klunën të cilin premtoi se do ta vizitoi në konakun e tij.

“Për Drenasin, në mandatin e ardhshëm do ta finalizojmë Poliklinikën Specialistike, Digën e Kuqicës për furnizim me ujë të pijes, Parkun industrial 2 dhe dy çerdhe të reja. Atje e takova shkurtimisht dhe Zekë Klunën, i cili më ftoi në konakun e tij. Patjetër që do ta vizitoj në ditët e ardhshme”, ka shkruar Kurti./Arbresh.info