Mediat angleze raportojnë se Antoine Semenyo pritet të jetë përforcimi i parë i Liverpoolit në merkaton dimërore.

Sulmuesi i Bournemouth shihet si zëvendësuesi ideal i Mohamed Salah, me egjiptianin që do të mungojë për disa ndeshje për shkak të angazhimit të tij në Kupën e Afrikës.

28-vjeçari po kalon një sezon të shkëlqyer, duke realizuar 8 gola me Bournemouth, çka ka tërhequr vëmendjen e klubeve kryesore të Premier League, përfshirë Liverpoolin dhe Manchester Cityn.

Megjithatë, “The Reds” duken më të avantazhuarit për shërbimet e tij. Klauzola e vendosur nga Bournemouth është 75 milionë euro, shifër që Liverpooli raportohet se është i gatshëm ta paguajë në janar.

Semenyo nuk shihet vetëm si një zgjidhje afatshkurtër për mungesën e Salah gjatë Kupës së Afrikës, por edhe si një alternativë afatgjatë, pasi pritet që egjiptiani të largohet në fund të këtij sezoni.