Kryeministri i Hungarisë, Viktor Orban, ka kritikuar Bashkimin Europian për “trajtimin e padrejtë” ndaj Serbisë.

Komentet ai i bëri dje gjatë samitit BE-Ballkani që u mbajt në Bruksel, të cilin Serbia e bojkotoi.

Në mungesë të presidentit të Serbisë, Aleksandar Vuiq, Orban, i cili ka marrëdhënie të ngushta me të, tha se Serbia është vendi kyç i rajonit dhe prapë ajo s’ka lëvizur para drejt anëtarësimit në BE, duke e lënë fajtore këtë të fundit.

“Serbia është vendi kyç i Ballkanit Perëndimor, megjithatë integrimi i saj nuk ka lëvizur as edhe një hap prej vitesh. Trajtimi i Serbisë nga Bashkimi Europian ka qenë i padrejtë dhe i turpshëm. Pra, është totalisht i padrejtë. Ne po sillemi në një mënyrë të papranueshme”, tha ai.

Për Orbanin i gjithë procesi i zgjerimit në katër vjetët e fundit ka qenë “komplet dështim”.

“Serbia s’ka lëvizur asnjë edhe një grimë. Maqedonia vetëm një lëvizje të vogël përpara. Dhe prapë Ballkani Perëndimor është një rezervë ari për BE-në. Serbia është vendi kryesor që mbron Europën nga migrimi “.

Ai tha se Hungaria do të vazhdojë të mbështesë përpjekjet për të avancuar anëtarësimin e saj në BE.

Deklaratën e Orban e ka ndarë misioni i Hungarisë në BE në X.

.@PM_ViktorOrban: Serbia is the key country of the Western Balkans, yet its integration has not moved a single inch in years. The EU’s treatment of Serbia has been unfair and shameful. Hungary will continue to support efforts to advance its EU accession. pic.twitter.com/rZKfpanT3F

— Hungary in the EU (@HungaryintheEU) December 17, 2025