Manchester United ka marrë një fitore bindëse si mysafir, duke mposhtur Wolvesin me rezultat 1-4 në ndeshjen e xhiros së 15-të në Premier League.

United e nisi ndeshjen furishëm dhe kaloi shpejt në epërsi në minutën e 25-të. Matheus Cunha shërbeu bukur për Bruno Fernandes i cili realizoi për epërsinë fillestare.

Në minutën e 45+2′, Wolvesi barazoi me Jean-Ricner Bellegarde, i cili u gjend në vendin e duhur brenda zonës dhe me një goditje të saktë barazoi shifrat në 1-1.

Pjesa e dytë ishte dominim total i Manchester United. Vetëm pesë minuta pas rifillimit, në minutën e 51-të, Bryan Mbeumo shënoi në portë bosh pas një asistimi të Diogo Dalot, duke rikthyer avantazhin për skuadrën mysafire (1-2).

Epërsia u thellua në minutën e 62-të, kur Mason Mount u shërbye mjaft mirë nga Bruno Fernandes dhe me një goditje precize nga brenda zonës shënoi për 1-3.

Në minutën e 82-të, pas verifikimit të VAR-it, Manchester United fitoi një penallti.

Bruno Fernandes mori përgjegjësinë dhe shënoi me qetësi në këndin e majtë të poshtëm, duke vulosur rezultatin përfundimtar 1-4.

Me këtë fitore Man United u ngrit në pozitën e gjashtë me 25 pikë, kurse Wolvesi është i fundi me dy sosh./Arbresh.info