Ad Banner
Ad Banner
Ad Banner
Ad Banner

Durmishi apelon për kujdes në komunikacion pas reshjeve të mëdha

10:53 | 18 Nëntor 2025
E.H

Zëvendësministri në detyrë i Mjedisit, Planifikimit Hapësinor dhe Infrastrukturës, Hysen Durmishi, ka bërë një apel publik për qytetarët që të tregojnë kujdes të shtuar në komunikacion gjatë ditëve me reshje të mëdha shiu.

Në një postim në Facebook, Durmishi ka tthënë se ekipet e mirëmbajtjes së rrugëve janë të mobilizuara dhe po e monitorojnë situatën në të gjitha akset rrugore.

“Gjatë këtyre ditëve kur është paralajmëruar reshje të mëdha shiu, ju bëjmë apel për kujdes të shtuar në komunikacion…Nuk ka vend për shqetësim, mjafton të tregojmë kujdes dhe përgjegjësi në trafik”, ka shkruar ai.

Zëvendësministri ka siguruar qytetarët se institucionet përgjegjëse janë në gatishmëri të plotë, ndërsa u ka bërë thirrje që të respektojnë rregullat e qarkullimit dhe të shmangin rreziqet e panevojshme.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm