Kurti: Shumë shpejt do të funksionalizohet Depoja Qendrore e Barnave

23:25 | 12 Nëntor 2025
E.H

Kryeministri në detyrë, Albin Kurti ka bërë të ditur se shumë shpejt do të funksionalizohet Depoja Qendrore e Barnave.

“Shumë shpejt do të funksionalizohet Depoja Qendrore e Barnave që i ka munguar vendit për më shumë se 20 vjet”, ka shkruar Kurti në Facebook, transmeton Arbresh.info

Ndërsa ministri në detyrë i Shëndetësisë, Arben Vitia ka thënë se brenda vitit pritet të hyjë në funksion objekti me sipërfaqe 1,800 m² e investim afër 2 milionë euro.

“Pas shumë dekadash, Kosova po bëhet me Depo Qendrore moderne të Barnave. Punimet kanë filluar në qershor 2025, dhe objekti me sipërfaqe 1,800 m² e investim afër 2 milionë euro, me kushte bashkëkohore për ruajtjen e barnave, pritet të funksionalizohet brenda vitit”, ka shkruar Vitia./Arbresh.info