KB Bora Basketball është skuadra e parë në elitën e basketbollit kosovar e cila ka bërë ndryshim në shtabin teknik, pas vetëm katër ndeshjeve.

Në fakt trajneri i cili e nisi sezonin Ljubomir Minchev u largua vetëm pas dy ndeshjeve, derisa skuadrën për dy ndeshje tjera e udhëhoqi ndihmësi i tij, shkruan Arbresh.info.

Mirëpo mbrëmjen e sotme, klubi kryeqytetas ka bërë të ditur se ka zyrtarizuar trajnerin e ri, malazezin Zoran Kašćelan.

Lajmi u bë i ditur përmes një postimi në rrjetin social Facebook.

Gjatë karrierës së tij si trajner, ai ka udhëhequr ekipe të njohura si Podgorica, Spars Sarajevo, Borac.

Së fundmi 2024/2025, trajneri Kašćelan ishte pjesë e Bosna Sarajevo, klub pjesëmarrës në ABA Ligë.

Bora pas katër ndeshjeve ka katër humbje, dhe këtë sezon synim e ka fillimisht mbetjen në elitë sikurse edicionin e kaluar./Arbresh.info