Pas largimit të papartishëm të Ismet Munishit dje, Dukagjini ka reaguar shpejt duke e prezantuar menjëherë trajnerin e ri.

Skuadra klinase ka bërë të ditur se Ndue Pergjokaj do të jetë trajneri i ri i klubit, shkruan Arbresh.info.

Lajmi është bërë i ditur përmes një postimi në rrjetin social Facebook.

“KF Dukagjini njofton se Ndue Pergjokaj është emëruar kryetrajner i ekipit të parë.”

“Pergjokaj ka qenë pjesë e stafit teknik të klubit gjatë kësaj periudhe, ku ka treguar profesionalizëm, përkushtim dhe njohje të mirë me grupin dhe mënyrën e punës në klubin tonë.”

“Ne i urojmë trajnerit Pergjokaj shumë suksese në detyrën e re, me besimin se do të vazhdojë punën me përkushtim dhe do të kontribuojë në arritjen e objektivave të klubit”, shkruhet në njoftimin e klubit./Arbresh.info